मुन्डभित्रको बिमिरा के हो ?
लिङ्ग मुण्डको corona को पछितिर ससाना sebacious glands -छालामा भएका तैलीय पदार्थ निकाल्ने ससाना ग्रन्थिहरू) हुन्छन् जसलाई Tyson's glands भनिन्छ। यी बिमिराजस्ता कुरा सामान्य हुन्। यही ग्रन्थिबाट निस्कने तैलीय रस तथा छालाबाट झरेका कोषहरू जम्मा हुन गए त्यसैमा जीवाणुको वृद्धि हुन्छ र उक्त सेतो पदार्थ बन्छ।
तपाईको समस्या के होला ?
यौनाङ्गमा चिलाउनु र यसरी पिल्सनुका अनेक कारण हुन सक्छन्। यस्तो हुनुले कुनै संक्रमण भएको संकेत गर्छ। तपाईंले दिनुभएको सीमित जानकारीका आधारमा ठयाक्कै भन्न सकिने स्थिति नभए पनि छालाको fungal सिंक्रमणका कारणले त्यस्तो भएको हुन सक्छ। धेरै कन्याउँदा छाला नै पाच्छिएर यस्तो समस्या भएको हुनसक्छ। धेरै पसिना आई बढी ओसिलो हुँदा तथा गर्मीले यस किसिमको संक्रमणलाई बढावा दिन्छ। नाइलन वा पोलिस्टरजस्ता कपडाका भित्री पहिरन -underwear) सुती कपडाका तुलनामा यस किसिमका समस्या बढाउने कारण हुन सक्छन्। साबुनको अत्यधिक प्रयोगले पनि यसलाई बढावा दिन्छ। अचेल यस किसिमका संक्रमणका लागि प्रभावकारी मल्हमहरू उपलब्ध छन्। यस्ता किसिमका fungal सिंक्रमणहरूमा Dermatophytes तथा Candida पर्ने fungal हरू प्रमुख हुन्। बोलीचालीको भाषामा हामी dermatophytes लाई दाद भन्छौं। हल्का किसिमको संक्रमण भएको अवस्थामा मल्हमहरूको प्रयोग नै यसको उपचारका लागि पर्याप्त हुन सक्छ। कडा किसिमको संक्रमणको उपचारका लागि भने केही लामो समय सम्म औषधी सेवन गर्नुपर्ने हुन्छ।
यौनाङ्गको हर्पिस हुँदा पानी फोकाजस्तो आउँछ र पछि फुटेपछि एकदमै दुख्ने-पोल्ने हुन्छ। अन्य केही यौनरोगमा घाउ आउँछ भने केहीमा मूत्रद्वारवाट पीप आउँछ । तपाईंले त्यस्तो लक्षण लेख्नुभएको छैन, त्यसैले अहिले त्यसका बारेमा चर्चा नगरौं।
समस्या बिसेक नहुनुको मुख्य कारण रोगको पहिचान नहुनु पनि हो, त्यसैले सही निदान र उपचारका लागि चर्मरोग विशेषज्ञसँग सम्पर्क राख्नुहोला। Fungal सिंक्रमण anti-fungal cream लगाउनुपर्छ। तपाईंले लगाउनुभएको औषधीमा भने anti-fungal औंषधी भए पनि steroid को साथै anti-biotic पनि छ, जुन आवश्यक नहुन सक्छ। बल्झिरहने एउटा समस्या चाहिँ पूर्ण रूपमा उपचार नहुनु वा पुनः संक्रमण हुनु हो। तपाईंले लक्षण कम भएपछि औषधी लगाउन बन्द गर्ने बानीले संक्रमणलाई निर्मूल पार्न सक्दैन। चिलाउन बन्द भैसकेपछि पनि दिनको तीन पटक अझै सात दिन जति लगाउनुभए दीर्घ प्रभाव पर्छ।
